Mkono wa Mwanamke albino uliokatwa Sumbawanga wapatikana

Juzi, vyombo vya habari viliripoti kuhusu, “Mwanamke albino anyofolewa mkono”.

Taarifa mpya zilizopatikana kama zinavyoonekana pichani, ni Mkuu wa Mkoa wa Rukwa, Stella Manyanya (wa tatu kulia) akibubujikwa na machozi jana usiku hali akushuhudia Kaimu Kamanda wa Polisi  Mkoa, Peter Ngusa (kulia) akiwa ameushikilia  mkono ulionyofolewa hivi karibuni  kutoka kwa mwanamke mwenye ulemavu wa  ngozi (hayupo pichani) na kufukiwa porini kijijini Miangalua wilayani Sumbawanga.
Hapa chini, anauonesha hadharani  mbele ya majengo ya Hospitali ya Mkoa mjini hapa, watatu kushoto ni Mganga Mkuu wa Mkoa, Dk John Gurisha.

Mmoja wa askari  akifungua majani ya mgomba yaliyoufunga   mkono  ulionyofolewa hivi karibuni  kutoka kwa mwanamke mwenye ulemavu wa  ngozi (hayupo pichani) na kufukiwa  poroni kijijini Miangalua  wilayani Sumbawanga ambao akiuonesha hadharani  mbele  ya majengo ya  Hospitali ya Mkoa mjini hapa jana usiku jana Februari 14.