KIGOMA KUFANYA PARTY NA WASANII WAZAWA WA KIGOMA

Mbunge  wa Kigoma Zitto Kabwe(wapili kutoka kushoto) akiwa kwenye maandalizi ya Tamasha kubwa linalotarajiwa kufanyika mkoani Kigoma. Naye msimamizi wa ama mratibu wa tamasha hilo Mwasiti Almas(wakwanza kulia) naye alifunguka na kusema haya "Kila kitu kwetu kama wasanii wa Kigoma kiko tayari kwa ajili ya tamasha hili, Kilichobaki ni wasanii wenyewe kufika mkoani kwao na kutimiza lengo la Tamasha hili, kwani tamasha hili linasimama kuwatia chachu ama hamasa vijana wa mkoa wa Kigoma mkoani humo".

LEKA DUTIGITE KIGOMA.. ni tamasha kubwa linalotarajiwa kufanyika mkoani Kigoma  tarehe 17 ndani ya mwezi huu wa saba na kuwashwa moto na wasanii  wazawa wa kigoma. Mpaka sasa ari waliyonayo wasanii  hao ni ya kubwa mno.. mpaka imekuwa kama ni changamoto kwa wasanii wanaotoka katika mikoa mingine, na kulowea zaidi Dar es Salaam.

Hata hivyo breaking news inaonyesha kuwa karibia nusu ya nyimbo zinazofanya vizuri hivi  sasa katika soko la muziki hapa nchini ni za wasanii wanaotoka katika mkoa wa kigoma. Angalia nyimbo kama "Kichwa kinauma" yake Ali Kiba aliyomshirikisha Jaydee, "Upepo" Recho, "Mawazo" Diamond, "Maneno maneno" Queen Darleen, "Jua ni wewe" Mwasiti akimshirikisha Ally Nipishe, Na nyingine nyingi kutoka kwa wasanii wao kina Chege, Abdu Kiba, Baba Levo, Makomandoo Bongo, Linex, Banana Zorro na wengine wengi.