JWTZ,JESHI LA POLISI WAKWAMISHA KUTOLEWA KWA VITAMBULISHO VYA TAIFA KWA KUONYESHA VITENDO VYA WIZI

ZOEZI  la utekelezaji wa mradi wa Vitambulisho vya taifa linaelekea kukamilika lakini kunachangamoto zinazosababishwa na wafanyakazi wa Serikali wakiwemo Jeshi la wananchi Tanzania na Jeshi la polisi Tanzania wanaopelekea zoezi hilo kutokukamilaka mapema kama ilivyopangwa.

Akizungumza na waandishi wa habari leo hii jijini Dar es salaam Mkurugenzi wa mamlaka ya vitambulisho vya taifa Dickson Maimu alisema kuwa mamlaka ya vitambulisho vya taifa imekamilisha hatua zake na wapo tayari kuzindua mradi huo na kutoa kitambulisho cha Taifa.

Maimu alisema kuwa, pamoja na mradi huo kuelekea ukingoni kukamilika kumekuwa na vikwazo mbalimbali vilivyopelekea kutokukamilika mapema kwa mradi huo kama ilivyopangwa, ambapo kumeonekana kuwa kuna baadhi ya fomu za kukusanyia taarifa kwa waombi wa vitambulisho zilikuwa zimejazwa mara mbili kwa mtu mmoja.

Alitaja wahusika waliojaza fomu hizo mara mbili kuwa ni jeshi la wananchi Tanzania JWTZ, ambapo  ambapo zilipatikana fomu 248 zilizojazwa marambili kutoka kwao pamoja na fomu 700 kutoka kwa jeshi la polisi Tanzania ambapo wote ni wafanyakazi wa Serikali.

“Moja ya sababu iliyopelekea kucheleweshwa  kutoa vitambulisho vya taifa ni tulibaini kuwa kuna fomu za kukusanyiwa taarifa kwa waombaji zilizokuwa zimejazwa mara mbili ambapo waliojaza mara mbili ni JWTZ pamoja na jeshi la Polisi Tanzania” alisema Maimu.

Alisema kuwa, Zoezila kutoa fomu za waombaji lilianzia kwa wafanyakazi wa Serikali waliop Dar es Salaam na Zanzibar pamoja na Majeshi yote  JWTZ,Magereza, Uhamiaji na Polisi kwa nchi nzima.

Aliendelea kutaja sababu nyingine zilizopelekea kuchelewa kwa vitambulisho hivyo kuwa walibaini matumizi ya vyeti vya Elimu vinatumiwa na watu zaidi ya mmoja.

Maimu alisema kuwa,  Katika uhakiki wa Fomu walifanikiwa kukagua taarifa zilizojazwa, na mwombaji kama zinawiana na vitambulisho vyake na wakabaini kuwa kuna baadhi ya waombaji ambao wameonekana kutumia vyeti ambavyo sio vyao.

Aidha alisema kuwa, wakati wkiendelea kufanya marekebisho ya mfumo zoezi la usajili wa wananchi wa Dar es Salaam baada ya miezi miwili na kuwa zoezi hilo litatanguliwa na ujazaji wa Madaftari ya wakazi kabla ya kuanza kujaza fomu za usajili.

“ Zoezi letu la usajili wa wananchi litaendelea kama kawaida na mara hii tunategemea kuanza usajili  wa wananchi  wa Dar es Salaam  hivi karibuni”, alisema.