Na fullshangw blog
Ubalozi wa Jamhuri ya Muungano wa Tanzania [New Delhi] nchini India
tarehe 8 mwezi huu [Aprili 2012] ulifanya hafla kubwa kusherehea ushindi
na kuipongeza Timu ya Mpira wa Miguu ya Ubalozi kwa kunyakua Ubingwa wa
Mashindano ya "United Cup 2012" ambayo huzishirikisha Timu za Balozi
mbali mbali zilizoko nchini India [ Inter Embassies] .
Timu ya ya Ubalozi wa Tanzania iliibuka kidedea kwa kuifunga Timu ngumu ya Ubalozi wa Botswana magoli mawili. Mashindano haya yalianza rasmi tarehe 29 Machi na kufikia kilele [fainali] tarehe 1 Aprili 2012.
Timu ya Ubalozi ilijumuisha Familia za Maafisa wa Ubalozi na Wanafunzi wa Tanzania wanosoma katika Jimbo la Delhi pamoja na Majimbo mengine ya jirani.
Vile vile, Timu ya Ubalozi ilishinda mechi zote za awali kabla ya kufanikiwa kuingia fainali. Timu ya Ubalozi wa Botswana ilichukua nafasi ya pili na nafasi ya tatu ilichukuliwa na Timu ya Ubalozi wa Saudi Arabia.
Balozi nyingine zilizoshiriki katika Mashindano haya ni Denmark, China, Spain, France, Egypt, Saudi Arabia, Indonesia, Netherlands na Israel, United Nations na Timu ya “Touch of Hope Foundation” na wenyeji India.
Mashindano haya huandaliwa "New Delhi United Football Club" kwa kushirikiana na Wadau wengine kwa madhumuni ya kuimarisha urafiki, Ushirikiano, upendo na kujenga afya za washiriki.
