WANAFUNZI WA KIU WASEMA WAPINGA KULIPA ADA KWA MFUMO WA DOLLAR

Wanafunzi wa Chuo kikuu cha Kampala ( KIU)  kilichopo jijini Dar es Salaam wameulalamikia uongozi wa chuo hicho kutokana na unyanyasaji wanaoupata wakiwa chuoni hapo.

Wakizungumza na MAASINDA kwa Masharti ya kutotaka majina yao yaandikwe mtandaoni wanafunzi hao wamesema kuwa moja ya unyanyasaji unao wakera ni kulipa Ada yao kwa mfumo wa Dola jambo ni  kinyume na sera za Taifa hasa upande wa matumizi ya Sarafu katika huduma za jamii.

Walisema kuwa jambo la wao kulipa kwa mfumo wa Dolla litawezekana pale Taifa litakapoazimia matumizi ya Dolla (U$) katika shughuli za kawaida kama ilivyofanyika Nchini Zimbabwe.

“Taarifa za jambo hili limeshafikishwa kwenye Vyombo husika na mamlaka husika hazina sababu ya kukwepa uwajibikaji. Mfumo huu wa kulipa kwa kutumia Dollar haukubaliki na hauna uhalali wowote katika ardhi ya Tanzania kwani ni Matusi na Unyonyaji wa kupe kama sio ukupe na ujuha. Jambo hili litawezekana pale tu sera na regulation na hata sheria au Taifa na watanzania kuamua vinginevyo.”

Aidha wanafunzi hao wamesema kuwa  Ada zao pamoja na kwamba wanalipa kwa mfumo wa Dolla bado hazina kiwango maalum ambapo wamesema kuwa kuna mfumo ulioanzishwa wa kulipa ada ya ziada maarufu kama Other fees ambayo wanafunzi hao wanasema kuwa wananyonywa kutokana na  pesa hizo.

“Kila mwanafunzi hutakiwa kulipa Dollar 230 kwa semister. Hivyo mwanafunzi mmoja huwajibika kulipia Dollar 460 kwa muhula wa masomo ambazo ni sawa na Tsh: 736,000/= hii ni kwa hesabu ya mwanafunzi mmoja tu”, alisema mwanafunzi mmoja.

Balaa linakuja pale mwanafunzi anapolazimishwa kulipa kiasi hiki cha pesa kila mwaka wa masomo. Hii inamaana mwanafunzi anayeingia mwaka wa tatu atakuwa amelipa Tsh/=1,840,000/= kiasi anacholipa mwanafunzi mmoja ukizidisha kwa idadi ya wanafunzi 2000 wa KIU watakuwa wametapeliwa Tsh 3,680,000,000/= ambazo ni mabiloni ya fedha za kitanzania

Kwa upande wa other fees, pekee wanafunzi 2000 wa KIU watakuwa wametapeliwa zaidi Tsh billion 3 kiasi hiki na malipo haya yanawezekana kufanywa na wanachama wenye hisa katika kampuni  au matembezi ya hisani.

Walisema kuwa  Mchango huo  huongeza mzigo wa Ada isiyo na ulazima kwa asilimia 28.409 kwa kila semister ambayo ni sawa na Tsh: 368,000/= kwa kila semister moja.

Maasinda ilijaribu kuutafuta Uongozi wa Chuo hicho lakini jitihada zetu hazikufanikiwa baada ya namba ya Simu tuliyopewa na chanzo chetu kuita pasipo kupokelewa ambapo MAASINDA ilipiga namba hiyo kwa muda wa siku mbili na haikupokelewa na tuilipo jaribu tena namba hiyo ilikuwa haipatikani.