WANAFUNZI WA IFM WAMEANDAMANA LEO KUPINGA KULAWITIWA KWA WANAFUNZI WENZAO PAMOJA NA KUIBIWA

Wanafunzi wa Chuo cha Usimamizi wa Fedha cha jijini Dar es Salaam (IFM) wameandamana leo majira ya adhuhuri hadi kwenye  Wizara ya Mambo ya Ndani wakiwa na madai ya kutopewa ulinzi na jeshi la polisi kwenye makazi yao ya hosteli za Kigamboni kutokana na kuvamiwa na majambazi mara kwa mara.

Wanafunzi hao walidai kuwam, siku ya Ijumaa walifanya kikao na jeshi hilo ili wawape ulinzi lakini suala la ajabu ni kuwa, siku waliyofanya kikao na Jeshi hilo ndiyo siku wenzao wawili wakiume walipovamiwa na kulawitiwa.

Majambazi hao wamekua wakidai wapewe laptops, simu na fedha na kama mwanafunzi anakataa, humlawiti.

Rais wa Serikali ya wanafunzi ya Chuo cha IFM alizungumza leo na Kamanda wa Polisi wa Kanda maalumu ya Kipolisi ya jiji la Dar es Salaam Suleiman Kova mara baada ya kuwasili eneo la ofisi za Wizara ya Mambo ya ndani ambapo amesema, "Wanafunzi wenzetu wa kiume wamelawitiwa nyinyi tumewapa taarifa siku ya ijumaa kuwa hatunaulinzi tunaibiwa hovyo vitu vyetu halafu siku hiyo hiyo unafanyika ubakaji huo…" ndipo kamanda Kova aliwaamuru wanafunzi hao wafuatane naye waende hadi Kigamboni kwenye Kituo waliporipoti taarifa zao pamoja na kwenda kwenye Hosteli zao. Kova aliahidi kushughulikia jambo hilo kwa haraka bila kusita.

------------------------------------------------------------------

Walifika Wizara ya Mambo ya Ndani

Tupo kamili fanyeni Fujo muone

Rais wa Serikali ya Wanafunzi IFM akimweleza Kamanda wa kanda Maalum ya Dar es Salaam Suleiman Kova juu ya Malalamiko ya wanafunzi wenzake.

Umati wa wanafunzi wa IFM

Kamanda wa Kanda maalumu ya Dar es Salaam akizungumza na wanafunzi wa IFM kuhusiana na maandamano yao ambapo aliwataka waongozane wote mpaka Kigamboni kwenye vyumba vyao.

Wakiwa kwenye Safari ya kuelekea Kigamboni Kumpeleka Kamanda Kova wakitokea Wizara ya Mambo ya ndani

Bado safari inaendelea hapa wakiwa kwenye Kivuko cha kuelekea Kigamboni