KAMATI ya Bunge ya Hesabu za Mashirika ya Umma (POAC), imeliagiza
Shirika Hodhi la Mashirika ya Umma (CHC), kuyafanyia tathmini mashirika
yote ya umma, ili kufahamu hasara inayopatikana, kwa kuwa mashirika 70
yanajiendesha kwa hasara.
Pamoja na hayo, alisema Serikali inatakiwa kueleza ina hisa kiasi gani katika mashirika hayo.
Agizo
hilo lilitolewa jana Dar es Salaam na Mwenyekiti wa POAC, Zitto Kabwe,
wakati kamati yake ilipokutana na Bodi ya CHC, kwa ajili ya kupitia
hesabu za shirika hilo.
Alisema
kwamba, shirika hilo linatakiwa kuhakikisha linayafanyia tathmini
mashirika yote ambayo ina hisa, ili CHC ipewe mtaji wa kutosha, kwa
ajili ya kutekeleza agizo hilo.
Pamoja
na hayo, alisema kamati hiyo ya Bunge inataka sheria zilizowekwa
zifuatwe, ili msajili wa hazina asiwe mjumbe wa bodi ya CHC.
Pia kamati hiyo, iliiagiza CHC isiuze jengo la Joji's grill
maarufu kama NBC Klabu, lililopo nyuma ya Benki ya NMB, Mtaa wa Samora,
Dar es Salaam na kutaka mchakato ufanyike, ili kuhakikisha zinapelekwa
taarifa mahakamani, ili kesi iliyofunguliwa dhidi ya klabu hiyo,
imalizike," alisema.
Awali,
akielezea namna ambavyo mashirika 70 yanaendeshwa kwa hasara,
Mwenyekiti wa Bodi ya CHC, Dkt. Marcellina Chijoriga, alisema mashirika
hayo ni yale ambayo yamebinafsishwa katika mpango maalum wa kubinafsisha
mashirika ya umma.
“Mheshimiwa
Mwenyekiti, tuna changamoto nyingi, yapo mashirika ambayo
yamebinasfishwa, lakini yanaendeshwa kwa hasara,” alisema Dkt.
Marcellina.
Aliyataja
mashirika hayo kuwa ni mashirika ya kilimo 33, mashirika ya viwanda na
biashara 24 na Maliasili na Utalii, mashirika 13.
Wakati huo huo, alisema maagizo yaliyotolewa na kamati hiyo yatafanyiwa kazi, ili ufanisi uwepo.
---
via MTANZANIA
