Ndg. Mkuu wa Mkoa,
Watu wanapigwa na kuonewa sana Daraja Mbili, na huku wakijigamba kuwa
wewe na Mkuu wa Wilaya umewahakikishia usalama wao hawa wahuni, jambo
ambalo nisingependa kuamini mapema, ila ujasiri wao na ukaidi wao
unaweza kuleta hakika kidogo.
Nelson Mandela alisema, kumnyanyasa mtu hakumfanyi mtu kuwa dhaifu bali
humfanya mtu kutafuta njia za kujitetea, hivyo basi tazama uchaguzi kwa
jicho la haki na Mungu ndipo amani itakapostawi katika taifa letu, ni
hatari kuwajengea watu hofu na mashaka eti dola inaweza kuiba kura na
kuonea watu wakati wa uchaguzi.
Hekima ya uongozi ni kupigania haki, usawa na utu.
Tumejipanga kulinda utu wetu na haki zetu na Mungu atusaidie.
Tutakuwa tayari hata kufa kwa ajili ya haki. Ushauri wangu kwako siyo CCM kushinda uchaguzi, bali haki kushinda katika Uchaguzi.
Godbless Lema
kwa msaada wa Mtandao
