PROF MHONGO AJIBU MAPIGO KUHUSIANA NA MAANDAMANO YA GESI

PROFESA MUHONGO AKIONGEA NA WAANDISHI WA HABARI KUHUSIANA NA MAANDAMANO YALIYOFANYWA MKOANI MTWARA HIVI KARIBUNI KUPINGA UWEKWAJI WA BOMBA LA KUSAIRISHA GESI TOKA MTWARA HADI DAR ES SALAAM KWA MADAI GESI HAITAWANUFAISHA WAKAZI WA MTWARA NA LINDI.

…………………………………………………. Watanzania wametakiwa kuacha mawazo potofu juu ya mgawanyo wa rasilimali
zilipo nchini kwa sababu zinatumika kwa ajili ya wananchi wote pasipoupendeleo.

Kauli hiyo imetolewa na waziri wa nishati na madini Profesa Sospeter Mhongo wakati akitoa ufafanuzi kufuatia maandamano yaliyofanyika mkoani Mtwara kwa madai kuwa ya gesi inayochimbwa mkoani humo kutowanufaisha wananchi wa mikoa  ya Lindi na Mtwara.

Profesa Mhongo amesema maandamano kama hayo yanaweza kuligawa taifa kwa sababu kila mkoa unatoa rasilimali zake ambazo zinatumika na wananchi wa mikoa yote  bila kujali ukanda wa mikoa husika.

Waziri huyo amesema endapo wananchi  wa kila mkoa wataandamana ni hatari kwa amani na utulivu na ustawi wa wananchi.

Waziri Mhongo amewataka wanasiasa wanatakiwa kuangalia maslahi ya kiuchumi kwa Taifa badala ya kuwapotosha wananchi na kusababisha mivutano  isiyokuwa ya lazima katika jamii.

Serikali imesema kuwa gesi asilia iliyogunduliwa Mtwara imekuwa ikitumika kuzalisha umeme wa megawati 18 ambapo mikoa ya Lindi na Mtwara hutumia kiasi cha Megawati 12 pekee.

Profesa Mhongo amesema serikali inaamini ujenzi wa bomba la gesi asilia kutoka Mnazi Bay mpaka jijini Dar es Salaam utalinufaisha zaidi taifa kwa kutumiwa katika viwanda,taasisi na matumizi ya kawaida majumbani.

nA fULLSHANGWE