CUF: UJENZI WA BOMBA LA GESI LA MTWARA UMEANZA BILA KUFIKIRIWA

Mwenyekiti wa Chama cha Wananchi CUF Prf Ibrahim Lipumba (katikati) akizungumza na waandishi wa habari leo katika makao makuu ya Chama hicho jijini Dar es Salaam, kulia ni Diwani kata ya Kibada na Mwenyekiti wa CUF Wilaya ya Kinondoni.

 ..............................................................................................................

Ujenzi   wa Bomba la Gesi  la Mtwara umeanza bila ya kuwa na mipango ya kuhakikisha kuwa kutakuwepo na Gesi ya Kutosha  kuisafirisa Hadi Dar es Salaam.

Hayo yamesemwa Leo na Mwenyekiti wa Chama cha Wananchi CUF Prf  Ibrahim Lipumba wakati akizungumza na wandishi wa Habari katika makao makuu ya Chama hicho jijini Dar es Salaam.

Prf, Lipumba amesema kuwa, Bomba hilo litakuwa na uwezo wa  kusafirisha futi za ujazo wa Lita 200 wakati uwezo wa Gesi ya Mnazi Bay iliyopo hivi sasa ni futi za ujazo bilioni 80 ambapo amesema kuwa hakuna mpango unaoeleweka  wa kupata futi 120 ili bomba la Gesi liweze kutumiwa kikamilifu.

Amesema  Upatikanaji wa Mkopo waMasharti nafuu kutoka China  wa Kujenga Bomba la Gesi  ndio umeshawishi Serikali kutekeleza Mradi huu haraka bila  maandalizi ya uzalishaji wa Gesi ya Kutosha.

Ameendelea Kusema kuwa Mpaka hivi sasa Gesi kiasi cha futi za Ujazo Trilioni 33 zimegundulika katika  hasa katika bahari yenye kina Kirefu na Kuna uwezekano Mkubwa wa Kugundua Mafuta.

“Uchimbaji wa Gesi hii bado hauja anza na inawezekana ikachukua miaka 7-10 kabla ya Shughuli ya uchimbajiw aGesi kukamilika na kuanza kuitumia ndani ya nchi na kuiuza nje ya Nchi”, Amesema Lipumba.

Ameongeza kuwa CUF wanaitaka Serikali  Kutathmini  upya mantiki na faida za Ujenzi wa Bomba hilo na ielewe kuwa Mradi huo unaweza ukatekelezwa kwa awamu, ambapo wameshauri awamu ya Kwanza iwe kujenga bomba la Gesi hadi Somanga Kilwa ili kuongeza uwezo wa kusafirisha Gesi ya SongoSongo kuja Dar es Salaam

Baadhi ya Waandishi waliokuwemo kwenye Mkutano huo leo